Moto waunguza Msikiti wa Omary Bin Hatwah uliopo karibu na jengo la Yanga

      Baada ya Msikiti kuwa umeungua na huyu raia mwema akiwa anaangalia na kujaribu kukagua vizuri vitu vilivyoungua.

Msikiti uliopo jijini Dar es Salaam eneo la kariakoo mtaa wa jangwani na twiga  umeungua moto leo mnamo majira ya saa kumi na moja kasoro.

Chanzo cha moto huo hakikufahamika mara moja ingawa watu wengi waliuwa wanahisi kwamba pengine utakuwa umesababishwa na umeme.

Moto huo umeleta madhala makubwa ikiwa pamoja na kuunguza matanki ya maji, vitabu vya dini, makapeti, mabati, feni, na mtu mmoja alionekana kupata majeraha ya moto mguuni, vioo vya madilisha vilivunjwa ili kuokoa baadhi ya vifaa vya msikitini. 

Watu wa zima moto walichelewa kufika ingawa ofisi zao zipo karibu na eneo la tukio walitumia kama dakika 45.

Watu waliokuwepo eneo la tukio waliokuwa wanasaidia kuzima moto walitoa lawama zao kwa zima moto kwa kuchelewa kufika na kwa raia ambao sio wema waliokuwa wakijaribu kuiba badala ya kuokoa.

Habari hii imeletwa kwenu na Hatasisitupo.blogspot.com

Moto waunguza Msikiti uliopo karibu na jengo la Yanga

           
         Moto waunguza Msikiti uliopo karibu na jengo la Yanga
Moto huo ulianza majira ya saa kumi na moja kasoro na umeunguza sehemu kubwa ya msikiti bila ya kujulikana chanzo chake eneo kubwa lililoungua ni sehemu iliyokuwa ikitumiwa na wanafunzi wa dini ya kiislamu jambo la kushukuru leo hawakuwepo wakati moto huo ukitokea. kwa habari zaidi endelea kufuatilia blog yetu.

           Zigo la JK Kigoma kwa rais ajaye

Mji wa Kigoma unavyoonekana ,miongoni mwa ahadi zilizotolewa na JK 2010 ni kuigeuza Kigoma kuwa sasa Dubai .Picha ya Maktaba. 

Na Anthony Kayanda

Kwa ufupi

Kutokana na changamoto hizo, Rais Jakaya Kikwete alipokuwa anaomba kura ili achaguliwe tena mwaka 2010 aliahidi kutekeleza baadhi ya mambo na hilo lilichangia kumpa kura zaidi ya 10,000 kutoka Mkoa wa Kigoma na kumfanya aongoze kwa kuwazidi wagombea wengine, hasa mpinzani wake mkuu Dk Willibrod Slaa wa Chadema.

Kigoma. Mkoa wa Kigoma upo Magharibi ya Tanzania ikiwa ni mojawapo ya mikoa iliyobatizwa jina la ‘pembezoni’ kutokana na umaskini unaowakabili wakazi wake walio wengi, lakini pia kwa miaka mingi umekuwa na changamoto ya miundombinu mibovu ya barabara, usalama wa raia kutokana na ujambazi.

Kutokana na changamoto hizo, Rais Jakaya Kikwete alipokuwa anaomba kura ili achaguliwe tena mwaka 2010 aliahidi kutekeleza baadhi ya mambo na hilo lilichangia kumpa kura zaidi ya 10,000 kutoka Mkoa wa Kigoma na kumfanya aongoze kwa kuwazidi wagombea wengine, hasa mpinzani wake mkuu Dk Willibrod Slaa wa Chadema.

Alitoa ahadi nyingi tu kama vile ujenzi wa barabara, ujenzi wa kiwanja cha ndege, ujenzi wa daraja la mto Malagarasi, ujenzi wa reli mpya ya kati, kuimarisha ulinzi na usalama Ziwa Tanganyika, kuifanya Kigoma kuwa kitovu cha biashara katika ukanda wa Maziwa Makuu na kuhakikisha kuwa Kigoma inaunganishwa na umeme wa gridi ya Taifa.

Barabara

CCM iliahidi kujenga barabara ya Kigoma hadi Nyakanazi yenye urefu wa kilomita 330 kwa kiwango cha lami. Barabara hiyo imekuwa haitengenezwi kwa madai ya ukosefu wa fedha, jambo ambalo limesababisha adha kubwa kwa wasafiri hususani kipindi cha mvua nyingi ambapo magari makubwa hukwama na kuziiba.

Hata hivyo, ujenzi wa barabara hiyo umeanza na kwa upande wa Kigoma kuna mkandarasi kutoka China anayejulikana kwa jina la CR 15 Group chini ya Mkandarasi Mshauri, DOCH Limited ya Dar es Salaam ambapo inadaiwa amepewa kipande cha kilomita 50 ajenge kwa kiwango cha lami.

Wameanza kuchimba barabara kuanzia kijiji cha Kasangezi hadi Muzye, umbali wa kama kilomita tano hivi ikiashiria kwamba ndiyo ujenzi unaanza rasmi, lakini kasi ndogo ya ujenzi inatia shaka kama kweli serikali ina nia ya dhati kukamilisha ujenzi huo au inatumika kama kampeni ili kupata kura kwa mgombea atakayepitishwa na CCM.

Kwa upande wa Barabara ya Kigoma hadi Manyoni mkoani Singida yenye urefu wa zaidi ya kilomita 600 imeanza kujengwa kwa kiwango cha lami. Utekelezaji wake umekamilika kwa zaidi ya asilimia 50.

Licha ya kwamba ujenzi wake haujakamilika kwa maana ya kwamba unaweza kutokaa Kigoma hadi Manyoni kwa lami, lakini maeneo makubwa yamewekwa tabaka la lami, jambo lililofanya baadhi ya mabasi yaanze kutumia barabara hiyo kuanzia Kigoma kwenda Dar es Salaam na kabla ya hapo walikuwa wanatumia barabara ya Kigoma kupitia Nyakanazi, Kahama, Singida na hatimaye kutokea Manyoni.

Kiwanja cha ndege Kigoma

Rais aliahidi kujenga kiwanja kitakachowezesha ndege aina ya Boeing kutua Kigoma ili kurahisisha usafiri kati ya nchi za Burundi, Kongo DRC na Rwanda.

Ilitarajiwa kiwanja hicho kiwe na njia ya kurukia ndege yenye urefu wa mita 3,000 (sawa na kilomita 3) lakini ujenzi wake umekamilika kwa kujengwa mita 1720 kwa kiwango cha lami, urefu ambao hauwezi kutumiwa na ndege aina ya Boeing zilizolengwa kutua hapo kwa ajili ya kubeba bidhaa kupeleka Ulaya na pia kutoa Ulaya kuzileta hapa ikiwa ni pamoja na zile zinazopaswa kwenda Mashariki ya Kongo ambao zaidi wanategemea bidhaa kutoka Kigoma.

Kiwanja hicho kimeingia kwenye mgogoro na baadhi ya wakazi wa kata za Majengo na Machinjioni waliotakiwa kuhama ili kupisha ujenzi huo, lakini wakakataa kuhama wakidai kuwa fidia waliyolipwa ni ndogo ikilinganishwa na gharama halisi za maisha ya sasa.

Uthamini wa mali zao ulifanywa mwaka 2006 lakini wamekuja kulipwa fedha mwaka 2013, miaka saba baadaye tena kwa thamani ya mwaka huo wa 2006, wakati utaratibu upo wazi kwamba ikipita miezi sita kabla mtu hajalipwa fedha baada ya kufanyiwa uthamini wa mali, inatakiwa zoezi la uthamini lirudiwe upya ili mtu alipwe fedha kulingana na wakati uliopo, lakini hilo halikufanyika.

Hiyo imekuwa changamoto kubwa na ahadi ya Rais Kikwete inaonekana kukwama na hakuna dalili za wazi kuonyesha kwamba mradi huo utatekelezwa kabla ya Novemba, 2015 atakapokabidhi madaraka kwa rais ajaye.

Umeme wa Gridi ya Taifa

Mkoa wa Kigoma haujafanikiwa kuunganishwa kupata umeme wa gridi ya Taifa na badala yake wakazi wake wanatumia umeme unaozalishwa kwenye jenereta za kufua umeme na serikali ilikwama kutekeleza ahadi yake ya kuiunganisha Kigoma na umeme ulioishia Kaliua mkoani Tabora au Kahama mkoani Shinyanga.

Kitovu cha biashara

Rais Kikwete aliahidi kwamba atahakikisha mji wa Kigoma unakuwa kama Dubai kwa maana kwamba unageuzwa kuwa kitovu cha biashara katika ukanda wote huu wa nchi za Maziwa Makuu ambazo badala ya kwenda kufuata bidhaa Dubai na China, wangelazimika kuja Kigoma kununua bidhaa hizo.

Hadi sasa hakuna jitihada zozote za makusudi zinazoonekana kutekeleza ahadi hiyo na badala yake mji unazidi kuchoka na maisha ya wakazi wengi wa Kigoma yanazidi kuwa magumu.
                                                             habari kutoka gazeti la mwananchi:

Fanya haya upate mafanikio maishani

 

Na Emanuel Gingi

Kwa ufupi

Hata hivyo, unajua siri ya kufanikiwa maishani? Makala haya yanajaribu kutaja baadhi ya njia za unazoweza kupita ili ufike katika safari yako.

inShare

Wengi tunapenda mafanikio maishani. Ukiwa mfanyabiashara, mwajiriwa, kiongozi, mama wa nyumbani au mwanafunzi, lazima uwe na ndoto ya kufanikiwa kama sehemu ya kutimiza ndoto yako.

Hata hivyo, unajua siri ya kufanikiwa maishani? Makala haya yanajaribu kutaja baadhi ya njia za unazoweza kupita ili ufike katika safari yako.

Kuwa na mawazo chanya: Akili yako ni kifaa cha ajabu, chaweza kuamua kufanikiwa au kutofanikiwa. Fanya unachoamua kufanya usifanye unachoambiwa ufanye pasipo kukipenda. Inategemea na mawazo uliyoyajaza ndani ya akili yako, kwa hiyo kwa nini usijaze mawazo yako au akili yako na hisia chanya za kufanikiwa?

Zungumza kuhusu mafanikio: Wachunguzi wanasema takribani asilimia 75 ya mawazo ya ndani ya mtu ni hasi, yatupasa kuyabadili mawazo au maneno na kuwa chanya muda wote. Kwa mfano, badala ya kusema tatizo sema fursa, badala ya kusema hakuna kitu ninachoweza kufanya, sema naangalia hatua nyingine.

Jipe mazoezi ya kufanikiwa: Inakupasa kujipa mazoezi ya kujihamasisha hata kama muda mwingine huwezi kujisikia vyema; lazima utoke na kujihamasisha katika hatua chanya.

Jitose: Lazima uishi maisha ya utulivu au kuridhika, jiepushe na mawazo ya kufeli.

Wasome waliofanikiwa: Ukitaka kufanikiwa lazima utafute maisha au uige maisha ya watu waliofanikiwa. Kati ya vitabu au nyaraka nzuri za kukujenga ni pamoja na kutafuta machapisho yanayozungumzia watu kama kina Mwalimu Julius Nyerere, Benjamin Franklin, Abraham Lincoln, Mahatma Ghandhi na wengineo.

Hivi ni vitabu vitakavyokuongezea mbinu au ujuzi wa kushinda changamoto na kuongeza thamani ya kubadilisha maisha yako yakawa mazuri.

Panda mbegu ya mafanikio: Inakupasa wewe mwenyewe kupanda mawazo ya mafanikio kwa kufanya yafuatayo: Nenda sehemu yeyote tulivu labda nyumbani au sehemu yeyote na uzime radio na televisheni. Tafuta kiti kikufaacho na utulize mawazo, anza kufikiria lengo moja ulikamilishe.

Chukua maono ya kukuwezesha au kukamilisha maono yako yafanikiwe. Ukianza kuwa na maono utaanza kujihisi vizuri, utasema vizuri, utaona vizuri. Ni wewe mwenyewe tu. Angalizo ni kuwa kama hujaweka muda maalumu, ni vigumu kukamilisha jambo litokee

Fikiria mafanikio: Lazima uone picha kubwa kwa kila kitu unachokifanya usipoteze muda kwa vitu ambavyo si muhimu katika maisha. Vaa utofauti chanya kwenye familia, jumuiya, kampuni au taasisi. Fikiria makubwa leo kesho utapata mazuri, ukweli ni kwamba ukifikiria makubwa lazima upate makubwa, ukifikiria madogo utapata madogo.

Jiwekee malengo: Vitu ambavyo vinaangusha watu katika maisha ni kukosa malengo madhubuti. Weka malengo katika uchumi, familia, afya, roho na pia taaluma .

Hatua za kuchukua ni hizi: hakikisha lengo au malengo yamepangika, yanafikiwa, yanaeleweka, na yana muda maalumu wa kuyafikia.

Jali mwonekano wako: Watu wenye kupenda mafanikio kwanza wako makini kimwonekano. Ukweli ni kwamba ukiwa upo vizuri kimwonekano utajisikia vizuri. Vaa mavazi na sura ya mafanikio. Kuwa na akili ya mafanikio, wenye hamasa ndiyo wanaokwenda mbele kwa kujiamini.

Wasaidie wengine: Endeleza nia yako kwa kuwasaidia wengine, shirikisha kipawa chako na wengine bila kutarajiwa kulipwa. Faida kubwa ambayo utaipata ni kujenga ujasiri mkubwa pia uzoefu ambao utakufanya uwe tofauti. Daima watu wenye mafanikio, wanapenda hamasa chanya na zenye maana huku wakiwasaidia wengine.
                                         Habari kutoka Gazeti la Mwananchi.

Mwanamke Mtanzania adakwa na kilo 74 za unga

 

Na Pamela Chilongola

Kwa ufupi

Mwanamke huyo, Chambo Fatuma Basil alikamatwa na Kikosi cha Kupambana na Dawa za Kulevya cha India kilichopata taarifa za kuwapo kwa mtu huyo ambaye alikutwa na hati ya kusafiria ya Tanzania.

Dar es Salaam. Matukio ya Watanzania kukamatwa nje ya nchi wakiwa na dawa za kulevya zilizopigwa marufuku yanazidi kukithiri baada ya mwanamke mmoja kukamatwa na kilo 74 za dawa aina ya ephedrine kwenye Uwanja wa Ndege wa Mumbai, India.

Mwanamke huyo, Chambo Fatuma Basil alikamatwa na Kikosi cha Kupambana na Dawa za Kulevya cha India kilichopata taarifa za kuwapo kwa mtu huyo ambaye alikutwa na hati ya kusafiria ya Tanzania.

Kwa mujibu wa tovuti ya hindustantimes.com limewanukuu maofisa wa Idara ya Uhamiaji wa India, Kitengo cha Intelijensia cha Uwanja wa Ndege (AIU) wakisema Chambo alithibitishwa Mtanzania baada ya kufanyia ukaguzi na kukibainisha kuwa kiwango alichokutwa nacho ni kikubwa kulivyo mzigo wowote wa dawa za kulevya uliowahi kukamatwa kwenye uwanja huo wa ndege.

Maofisa hao walisema walimnasa mwanamke huyo baada ya kudokezwa na kufuatilia taarifa ya abiri huyo aliyekuwa akielekea Dar es Salaam kupitia Doha, Qatar.

“Mtuhumiwa alikamatwa saa 7:00 mchana. Mbwa maalum alielekezwa kukagua mizigo yake iliyokuwa inaingizwa chini ya ndege na akatoa ishara chanya,” alisema Milind Lanjewar, kamishna wa ziada wa ushuru wa Uwanja wa Ndege.

Mizigo yake mitatu ilikuwa imewekwa pakiti za unga mweupe unaosadikiwa kuwa wa methaqualone au mandrax, dawa ambayo hutumiwa kama mbadala wa cocaine, imeandika tovuti hiyo.

Kamanda wa Kikosi cha Kupambana na Madawa ya Kulevya nchini, Godfrey Nzowa alisema kwa kuwa mwanamke huyo amekamatwa nchini India, Tanzania haiwezi kuingilia kwa undani ingawa wanasubiri iwapo India watawapigia simu.

“Kila nchi ina sheria yake na ina uwezo wa kumchukulia hatua Fatuma kwa kuwa yupo ndani ya nchi hiyo,”alisema.

Nzowa alisema nchi nyingi duniani zipo kwenye vita dhidi ya dawa za kulevya hivyo hashangai kwa Mtanzania huyo kukamatwa nchini India.

Nzowa alisema dawa hizo ni kemikali au vibashirifu vinavyotumika kutengeneza dawa za kulevya na huzalishwa zaidi India.

Alisema ephedrine zinatumika kutengenezea dawa za kikohozi lakini kinachojitokeza watu wanabadilisha matumizi yake na kutengeneza dawa za kulevya.

Nzowa alisema aina hiyo ya vibashirifu inalimwa kihalali nchini India kwa vibali maalumu kwa ajili ya kutengenezea dawa ya kikohozi .

ALIYETEKA ALBINO TABORA AFUNGWA JELA MIAKA 10

ALIYETEKA ALBINO TABORA AFUNGWA JELA MIAKA 10

 

Kaimu Kamanda wa Polisi Mkoa wa Tabora, ACP Juma Bwire akizungumza na waandishi wa habari kuhusiana na tukio hilo Juni 16, 2015.

Masanja Mwinamila (44) mara baada ya kufikishwa katika kituo cha Polisi Wilaya ya Nzega Juni 15, 2015.

Na Daniel Mbega, Nzega

MAHAKAMA ya Hakimu Mkazi ya Wilaya ya Nzega leo hii imemhukumu Masanja Mwinamila (44), mkazi wa Kitongoji cha Kona Nne, Kijiji cha Ugembe II, Kata ya Mwakashanhala, Tarafa ya Puge wilayani Nzega katika Mkoa wa Tabora kwenda jela miaka 10 kwa kosa la kuteka mtoto mwenye albinism, Margreth Hamisi (6).

Hakimu Mkazi Mfawidhi wa mahakama hiyo, Saraphine Nsana, alitoa hukumu hiyo baada ya mshtakiwa kusomewa shtaka na kukiri kutenda kosa hilo.

Ilielezwa mahakamani hapo kwamba, mnamo Juni 15, 2015 majira ya saa 3:00 usiku katika Kijiji cha Ugembe II, Kata ya Mwakashanhala wilayani Nzega, mtuhumiwa alimteka binti huyo kwa lengo la kwenda ‘kumuuza’ ili ajipatie fedha (kiasi kimehifadhiwa).

Hii ni mara ya kwanza kwa kesi inayohusisha utekaji nyara, kujeruhi na mauaji dhidi ya watu wenye albinism kuchukua muda mfupi zaidi, kwani ndiyo kwanza kesi hiyo ya Jinai Namba 116/2015 imefikishwa mahakamani kwa mara ya kwanza na kutolewa hukumu.

Jitihada za Polisi

Mafanikio ya kukamatwa kwa Masanja Mwinamila akiwa katika harakati za kutaka kumuuza mtoto Margreth Hamisi, ambaye ni mpwa wake, yametokana na umakini wa Jeshi la Polisi nchini ambapo maofisa wake wa Kikosi Kazi cha Taifa waliweka mtego na kufanikiwa kumnasa mtuhumiwa kabla hajamdhuru mateka wake.

Tukio hilo limefanikisha kuubomoa mtandao hatari wa mauaji ya watu wenye ulemavu wa ngozi (albino) kwani ni takriban wiki tatu tu tangu maofisa usalama walipofanikiwa kuwanasa watu wengine sita wakiwa katika harakati za kuuza mifupa inayodhaniwa kuwa ya binadamu (albino) mjini Kahama Mei 22, 2015 ambapo tayari wamekwishafikishwa mahakamani pamoja na wengine watatu waliokamatwa baadaye.

Matukio hayo mawili makubwa yaliyotokea katika kipindi hicho yamedhihirisha namna serikali kupitia jeshi hilo na vyombo vingine vya usalama inavyoshughulikia mitandao hiyo hatari usiku na mchana ili kuhakikisha Watanzania wote wanaishi kwa amani na usalama.

Kukamatwa na hatimaye kuhukimiwa kwa Masanja Mwinamila kumedhihirisha kwamba matukio mengi ya kuuawa au kujeruhiwa kwa watu wenye albinism yanapangwa na kufanikishwa na wanandugu wenyewe kwa sababu ya mawazo potofu ya kutafuta utajiri kwa njia za mkato.

Kama alivyoeleza Kaimu Kamanda wa Polisi Mkoa wa Tabora, ACP. Juma Bwire, Juni 16, 2015, Masanja alithubutu kwenda kumnyakua mtoto huyo Margret Hamisi (6) majira ya saa 3 usiku na kukimbia naye gizani akiwa na lengo la kumuuza ajipatie utajiri.

Lakini habari kutoka eneo la tukio zinaeleza kwamba, haikuwa kazi rahisi kwa wanausalama kumwokoa binti huyo akiwa hai na kumtia mbaroni mtuhumiwa, kwani walilazimika kujifanya ‘wanunuzi’ ili kuweka mtego wa kumkamata mtuhumiwa na kumwokoa mateka.

Taarifa za uchunguzi zinaeleza kwamba, mtuhumiwa huyo alianza mchakato wa kutafuta ‘soko’ la kumuuza mtoto wa dada yake mapema mwezi Juni 2015, lakini wasamaria wema wakawaarifu wanausalama kuhusu kinachotaka kutokea katika eneo hilo.

Ilibidi maofisa wawili wa usalama wapangiwe kazi ambapo mmoja alijifanya mnunuzi na mwingine mganga wa jadi anayeambatana na ‘tajiri’ huyo feki ambao walikutanishwa na mtuhumiwa huyo aliyewaeleza kwamba ‘dili la albino lipo’.

“Alisema kuna dada yake mwenye albinism ambaye ana watoto wawili – wa kiume na wa kike – ambaonao wana albinism, huyo dada ni mtoto wa baba yake mdogo ambaye alifariki mwaka jana (2014), hivyo nyumbani hakuna mtu wa kiume wa kuleta upinzani.

“Akasema kwamba biashara hiyo ingefanyika sana, kwani alipanga kuanza kumuuza mtoto wa kike, halafu angemuuza yule wa kiume na hatimaye kummalizia dada yake!” kilisema chanzo cha ndani kutoka eneo la tukio.

Kwa kawaida asilimia kubwa ya wakazi wa Kanda ya Ziwa ni wapagani na wanawaamini waganga wa jadi kuliko mtu yeyote, hiyo alipokutanishwa na watu hao wawili, mtuhumiwa Masanja Mwinamila aliamini kila alichoambiwa na ‘mganga’.

Mganga huyo feki, mbali ya kumpigia ramli na kumwogesha dawa kwenye njiapanda, alimtaka mtuhumiwa kuleta mtoto huyo akiwa hai kwa maelezo kwamba inabidi ‘afanye tambiko ili dawa zifanye kazi’, lakini lengo likiwa kumzuia mtuhumiwa asimdhuru mtoto na hivyo kupata nafasi ya kumwokoa.

Akiwa na shauku kubwa ya kupata mamilioni ya fedha, baada ya kukubali masharti ya mganga, Masanja alimuomba ‘tajiri’ atafute bunduki ili wakati yeye atakapomnyakua mtoto, wafyatue risasi hewani kuwatisha watu watakaokimbilia eneo la tukio mara yowe litakapopigwa.

Taarifa zinasema, wanausalama waliposikia kauli hiyo wakahisi mtuhumiwa angeweza kwenda hata na panga na kuwajeruhi watu atakaowakuta eneo la tukio ili amchukue mtoto, hivyo mganga huyo akatoa masharti kwamba hata kama bunduki itapatikana, lakini asingependa kuona damu inamwagika kwa yeyote huku akimwaminisha kwamba dawa atakazoogeshwa zitamfanya awe ‘kiza’ asionekane na mtu yeyote.

Takriban mara tatu zoezi hilo liliahirishwa kwa kuangalia mazingira ya kiusalama, lakini baada ya wanausalama kujipanga vyema, ndipo Juni 15, 2015 wakafanikisha mtego huo na kumkamata mtuhumiwa akiwa amembeba mtoto ambaye alinyakuliwa akiwa usingizini.

“Ilikuwa ni kazi ngumu, lakini kama siyo imani kwa mganga, ingekuwa hatari sana hata kwa wanausalama wenyewe. Jamaa alipewa masharti kwamba, mtoto huyo anayeuzwa anatakiwa afikishwe kwa mganga akiwa hai bila kujeruhiwa mahali popote; Familia itakayovamiwa pia isimwage damu; Fedha za manunuzi kabla ya kukabidhiwa mlengwa lazima zifanyiwe tambiko na masharti ya matumizi; hakutakiwa kufanya zianaa siku nne kabla ya tukio; na lazima kuogeshwa dawa wale wote watakaokwenda kwenye tukio,” kilifafanua chanzo kingine.

Bi. Joyce Mwandu Nkimbui (33), ambaye ni mama wa Margret, anasema siku tatu mfululizo kabla ya tukio, mtuhumiwa huyo ambaye ni kaka yake anayeishi jirani na hapo alikuwa akija asubuhi na jioni akijifanya kuja kusalimia na wakati mwingine hata kupikiwa chakula.

Hata hivyo, alishangaa kukuta kwamba ndiye aliyevamia nyumbani kwao usiku wa Juni 15, 2015 na kumwamuru asikimbie kabla yeye hajaingia ndani na kumkwapua mtoto.

“Walikuja usiku, sijui walikuwa wangapi, lakini wakanilazimisha ‘wewe mama tulia’, nikaogopa na kukimbilia kwenye majani, nikaanguka kwa sababu sioni vizuri usiku, nikakutana na mwenyekiti wa kitongoji, ambaye tulikwenda naye nyumbani na kukuta tayari mtoto hayupo,” Joyce alisema kwa masikitiko.

Matukio mbalimbali

Tangu mwaka 2006 serikali imekuwa ikipambana na matukio ya kuuawa na kujeruhiwa kwa watu wenye albinism nchini, ambapo tayari watu zaidi ya 10 wamehukumiwa kunyongwa, wengine kesi zao ziko mahakamani na watuhumiwa wengine wanaendelea kusakwa kwa kuhusika na matukio hayo ya kutisha.

Wakati wa kilele cha maadhimisho ya siku ya wenye albinism duniani jijini Arusha Juni 13, 2015, Rais Jakaya Kikwete alisisitiza kuwa kati ya watu 13 waliohukumiwa kunyongwa wawili kesi zao zipo katika hatua ya mwisho kufikishwa kwake na kuahidi zitakapofika mezani kwake atazitendea haki stahiki.

"Lakini mwaka 2014 hadi 2015 serikali tumepambana na watu wakatili dhidi ya walemavu kwa kuwakamata watu 25 kati yao sita kesi zao zipo mahakamani, huku watano upelelezi unaendelea na 11 wameachiwa huru kwa kutopatikana na hatia," alisema.

Rais Kikwete pia aliwahakikishia wenye albinism kupatiwa vifaa vya kupambana na kansa ya ngozi bure kwenye hospitali za serikali.

Mwaka 2009, Waziri Mkuu Mizengo Pinda aliangua kilio bungeni kuonyesha uchungu alionao dhidi ya vitendo vya mauaji ya kikatili ya watu wenye ulemavu wa ngozi (albino), na machozi yake yakayeyusha hoja ya wabunge wa upinzani waliokuwa wamepania kumbana, ili ajiuzulu kwa madai kwamba, alitoa amri ya kuua wauaji ambayo ni kinyume na katiba ya nchi.
Habari na  http://rweyunga.blogspot.com